Novitads

Eden Hotel ed Ustria

Igl emprem marcau sper il Rein. L'emprema casa sin il plaz. In hotel denter urban e campester. Nus schein buca au-ten-tic. Quei eisi en mintga cass. Denter 5 steilas e 2 steilas. Sco ins vul. Aschi bia sco ins vul pagar. Nus schein buca "allegra" sco tuts. Beinvegni ha quei num tier nus. Perquei che bien vegn sco emprem. Beinvegni! Nus selegrein da Vossa viseta.
Nies hotel cun scharm urban dispona da 26 combras dublas sco era da 3 combras da famiglias cun total 64 letgs. Il menaschi da gastronomia porscha 160 plazs, ina bar cun lounge. Cheu s'entaupan la cuschina franzosa cun ils capuns. Mintgaton era Sashimi e maluns. La cuschina ha plein ideas creativas. Entgins mettan en in'ustria ensemen sutgas. Nus mettin ensemen sentiments, per exempel per la TAVOLATA.

Contact

Eden Hotel ed Ustria
Via dalla Staziun 31
7130 Glion
tel. 081 925 51 51
infoeden-ilanzch
www.eden-ilanz.ch


Hotel Rätia

Il Hotel Rätia sesanfla el center da Glion e porscha combras generusas, confortablas cun duscha/tualetta/bogn, televisiun ni combras semplas cun duscha sin in'alzada pli favoreivla. Plinavon ha il hotel WLAN, ina gronda terrassa, ina stanza per velos serrada ed ina stanza per lavar velos.

Niev: combras renovadas

 

Stanzas da restauraziun
Ei dat ina sala gronda ed ina pintga ch'ein sco fatgas per banchets e sesidas e plinavon in'ustria à la carte en stil grischun cun ina cuschina frestga e creativa ed in servis survetscheivel.

Alpshake
Gudi era uras pacificas ella bar Alpshake, ina bar da cocktails e shots moderna ed innovativa.
Niev: Drink & Drive - nus carrein tei e tiu auto segir a casa. Mira flyer.

 

Temps d'avertura

aviert 365 dis

Temps d'avertura Ustria Rätia:
avrel – october 8.00 - 23.00
november – mars 8.00 - 14.00 / 17.00 - 23.00

Contact

Hotel Rätia
Via Centrala 5
7130 Glion
tel. 081 925 23 93
mobil 079 620 27 34
fax 081 921 27 54
infohotelraetiach
www.hotelraetia.ch


Casa da sentupada

La Casa da sentupada ei in liug da formaziun e da reflexiun sin basa cristiana. Ella ei ina part dalla claustra dallas dominicanas a Glion ed aviarta per tut ils carstgauns, emporta buca da tgei derivonza, vegliadetgna, professiun ni religiun.
La casa en in liug ruasseivel amiez la bellezia cuntrada muntagnarda dil Grischun porscha d'ina vart il Rom per lavur da formaziun activa e dat da l'autra vart la pusseivladad da seretrer.

 

La casa da scuntrada ha 38 combras singulas cun aua currenta, 14 combras singulas cun duscha e tualetta ed enzacontas combras dublas cun aua currenta ni duscha e tualetta.

Turists ein cordialmein beinvegni! La regiun turistica multifara porscha enzatgei per mintga gust.

Purschida da stanzas

En casa dat ei differents locals da dietas ed ina gronda aula cun plaz per silmeins 200 persunas. Per concerts ei la baselgia dalla claustra cun 300 plazs da seser adattada specialmein bein. Plinavon han ils hosps a disposiziun ina stanza da meditaziun. Ella sala da magliar han circa 100 persunas per tschavera plaz. Ella ei era adattada per differentas occurrenzas sco natalezis, battens, aperitivs da nozzas, sentupadas da classa ni banchets. Per gruppas stat ina caffetaria separada a disposiziun.

mieds tecnics
DVD, videorecorder, beamer, projectur, CD-player, flipchart, tabla da pins, projectur da dias e 2 smartboards (tablas interactivas) ein avon maun. Era in clavazin ed in clavazin cun ala stattan a disposiziun.

Purschidas da cuors

Mintg'onn organisescha la Casa da sentupada in program annual cun varga 60 differentas purschidas da cuors. Jamnas da viagiar, cuors da Jin Shin Jyutsu, fins d'jamna da sault, dis da praulas ed autras purschidas ein adina visitadas bein. L'infrastructura sa era vegnir duvrada da gruppas hospitontas.

occurrenzas

   

Contact

Casa da sentupada
Dominicanas da Glion
Via dalla Claustra 16
7130 Glion
tel. biro 081 926 95 40
tel. porta dalla claustra 081 926 95 00
hausderbegegnungklosterilanzch
www.hausderbegegnung.ch


PUB P!N

All'entschatta dil marcau vegl sesenfla il PUB P!N. Gudi era Vus uras pacificas el legendar Pub da Glion.
Niev: Drink & Drive - nus carrein tei e tiu auto segir a casa. Mira flyer.

Combras el PUB P!N:
Il PUB P!N dispona da 6 bialas e favoreivlas combras cun duscha d'etascha. Ina combra el PUB P!N sa vegnir reservada sur il Hotel Rätia a Glion.

Temps d'avertura

PUB P!N
gliendisdis – gievgia 16.00 - 01.00
venderdis & sonda 16.00 - 02.00
dumengia 16.00 - 24.00

Contact

Pub P!N
motion GmbH
Städtlistrasse 2
7130 Glion
tel. 081 925 45 55
mobil 079 620 27 34

Reservaziuns da combras PUB P!N:
Hotel Rätia
Via Centrala 5
7130 Glion
tel. 081 925 23 93
mobil 079 620 27 34
fax 081 921 27 54