Novitads

Deposit / plazzas da campar / casas da camps

Sigl intschess dalla vischnaunca dad Ilanz/Glion dat ei in deposit, denton negina plazza da campar. El contuorn savein nus denton cussegliar a Vus enzacontas bialas plazzas da campar e casas per camps da vacanzas.

Deposit "Isla" Rueun

Plazzas da campar

Cantunament Glion

Camp da vacanzas Rueun

Casas da camps communalas a Siat ed a Riein

La vischnaunca dad Ilanz/Glion lai vi la "Casa Sentupada a Siat - il center da vacanzas e scolaziun" sco era la "Resgia a Riein - in liug da sentupada" per diversas occurrenzas. Il vitg da Siat schai sin 1319 m s. m. ed il vitg da Riein ei situaus sin 1270 m s. m.

La Casa Sentupada a Siat ei adattada per:
Vacanzas, pernottaziuns singulas, pernottaziuns en gruppas, occurrenzas da fatschenta e da famiglia, scolaziuns / dietas.
Igl entir stabiliment ei vegnius renovaus ed ei dapertut endrizzaus tenor ils basegns da persunas cun impediments. La casa da camp porscha 32 plazs da star sur notg. Ulteriuras informaziuns e reservaziun.

La Resgia a Riein ei adattada per:
Occurrenzas da fatschenta e da famiglia, radunonzas, cuors / seminars, pernottaziuns en gruppas, scolaziuns / dietas, sentupadas d'uniuns, occurrenzas, referats.
Ina veglia resgia dils onns 1940 ei vegnida renovada ed endrizzada aschia ch'ins sa duvrar ella per differents intents individuals. La casa da camp porscha 34 plazs da star sur notg. Ulteriuras informaziuns e reservaziun.