Il Center da formaziun Surselva

Il Center da formaziun Surselva (CFS) ei in'instituziun dalla Regiun Surselva che porscha a nossa populaziun ina vasta paletta da scolaziuns e formaziuns supplementaras. Igl onn 2011 ein tut las scolas dil scalem secundar II sil plaz da Glion vegnidas tschentadas sut il tetg dalla Regiun Surselva. Per nossa regiun eis ei d'impurtonza fundamentala da haver ina purschida da formaziun d‘aulta qualitad. Quei buca sulettamein per motivs politics per la formaziun, mobein era muort ponderaziuns economicas.

Tier il Center da formaziun Surselva – sco part organisatorica dalla Regiun Surselva – audan las suandontas purschidas dil scalem secundar II:

  • Scola media mercantila
  • Scola media propedeutica
  • Scola professiunala commerciala
  • Scola professiunala industriala
  • Scola Vinavon

Plinavon cumpeglia il Center da formaziun Surselva il Survetsch logopedic, la Scola mercantila dil di, la Scola da musica e la Promoziun da special talentai. Cun rodund 110 persunas d'instrucziun, rodund 1'900 scolaras e scolars ei il Center da formaziun Surselva la pli gronda organisaziun da scola ella Surselva.

Contact
Center da formaziun Surselva
Glennerstrasse 22a
7130 Glion

telefon 081 925 34 33
admin@bzs-surselva.ch
www.bzs-surselva.ch