Cordial beinvegni tier la scola da talents Surselva

La scola da talents Surselva sedrezza a giuvenils dalla regiun e d'ordvart che possedan in talent sportiv ni musical. La scola porscha in'instrucziun fetg innovativa e multifara cun ina vasta promoziun adattada el sectur da talents.

Il team secumpona da pedagogs cun bia experientscha, experts da sport e musica sco era d'in fisioterapeut. Ensemen s'engaschan els cun bia anim per in bien svilup da scola, persunal ed in svilup specific ella sparta da talents dil scolar e dalla scolara. Ultra da quei profiteschan ils giuvenils dad in accumpignament individual en gruppas pintgas che sedrezza vid finiamiras da scola, sport ni musica. Las structuras dil gi ein optimadas, las reglas d'absenzas flexiblas e plinavon ei l'infrastructura adattada al basegn dils giuvenils.

Las fermezias dalla scola da talents Surselva ein il trenament polisportiv fundau, ils moduls da musica, projects da scola innovativs sco era l'instrucziun che sebasa sin fuormas digitalas.

 

Dapli informaziuns dalla scola da talents Surselva anfleis Vus cheu.

Contact
Scola da talents Surselva
Paradiesgärtli 9
7130 Glion

telefon 081 925 28 29
schulleitung@ts-surselva.ch
www.ts-surselva.ch