Siat

Sin la vart sulegliva dalla Surselva ei Siat situau sin ina terrassa en in vonn sur Rueun. Ina bellezia vesta sin il mund muntagnard circumdont sveglia sentiments da vacanzas. A Siat dat ei in highlight architectonic – cheu ha igl architect Gion A. Caminada ch'ei enconuschents sur ils cunfins naziunals, baghegiau l'Ustria Steila. Plinavon envida in curtgin da reiver pign e grond, entscheviders e versai da reiver vid il grep – ina vera aventura per l'entira famiglia. Silsuenter porscha la Casa Sentupada a hosps da vacanzas sco era als indigens in cumadeivel suttetg, inclusiv bellezia survesta. Fetg bials plazs da giug, plazs da grillar, pintgas sendas enferradas, posts da descender cun la suga e naturalmein biaras rutas da reiver sin il grep semplas procuran per in bellezia di d'excursiun. Plinavon meinan numerusas rutas da bike e la Senda Sursilvana tras Siat. Schizun la via da S. Giachen seferma ella caplutta da Sogn Glieci. La fracziun porscha denton era igl unviern diversas pusseivladads da guder la natira. Turas da gianellas e bellezia sendas d'unviern ein ina buna caschun da scuvierer la cuntrada d'unviern.