Novitads

Presentaziun dalla historia dil marcau da Glion ed avertura dall'exposiziun "Glion - Anavos el futur"

La historia dil marcau da Glion, elavurada da persunas dil fatg da renum sut la direcziun da dr. Martin Bundi, ei vegnida presentada sonda, ils 18 da fenadur 2015 ella Casa Cumin a Glion. El medem mument ha il Museum Regiunal Surselva aviert ina nova exposiziun cul tetel "Glion - Anavos el futur". Quell'exposiziun speciala presenta 1250 onns historia dil marcau da Glion. Cheu entginas impressiuns dalla vernissascha dil cudisch sco era dall'exposiziun.

Bien divertiment.