Novitads

Bien di

...ed in cordial beinvegni ad Ilanz/Glion

Tier nus essas Vus all’emprema adressa en Surselva. Nossa vischnaunca viva! E quei vala sche Vus habiteis cheu, sche Vus gudis Vossas vacanzas cheu, sche Vus fageis sport e cummissiuns cheu ni sche Vus vuleis semplamein visitar in dils loghens da nossa vischnaunca.

Bi che Vus essas cheu - cordial beinvegni.

Scamond absolut da far fiug sin territori dalla vischnaunca Ilanz/Glion

L’actuala bial’aura da stad cun la schitgira ha augmentau considerablamein il prighel da fiug. Tenor las previsiuns eis ei buca da quintar cun plievgia. Sin recumandaziun digl Uffeci d’uaul e prighels dalla natira sco era dall’Assicuranza d’edifecis ha la direcziun communala decidiu in scamond absolut da far fiug pigl entir territori da vischnaunca Ilanz/Glion (mira placat).
En vesta allas festivitads digl 1. d'uost eis ei naven d'immediat scumandau d'envidar fiugs bengals e fiugs el liber
e quei sigl entir intschess dalla vischnaunca Ilanz/Glion.

Direcziun communala Ilanz/Glion

Bogn aviert Fontanivas a Glion ei AVIARTS

Divertiment da stad per pign e grond!

Uras d’avertura:
 
Sesiun aulta:        13-06 – 21-08-2015, mintga di dallas 9.30 entochen las 20.00
Sesiun bassa:       22-08 – l'entschatta da settember 2015, mintga di dallas 9.30 entochen las 18.30
NIEV: Gievgia mintgamai aviert gia naven dallas 8.00 dalla damaun
NIEV:
L’aua dil bogn vegn scaldada, tras quei eis ei ina temperatura permanenta da ca. 24°C
NIEV: Er en cass d
aura malguessa eis ei adina aviert entochen las 14.00

Ulteriuras informaziuns anfleis Vus cheu

Cartas dil di dalla vischnaunca

Guder in di...
...plein viadi

Nossa vischnaunca porscha a Vus - sco igl ei usit en Svizra - il previlegi e la pusseivladad da retrer cartas dil di per viagiar cun il mied public pli favoreivlas. Fagei diever da questa purschida ed emprendi d'enconuscher il Grischun ni schizun la Svizra. Nus giavischein bia divertiment ed in bien e segir viadi. Empustar cartas dil di

Reservaziun da localitads

Spazi e temps...
...per Vies interess

Reservei Tier nus ina localitad per Voss'occurenza ni Vies eveniment, seigi quei in seminari, in cuors ni era fiastas. Informei nus davart Vos giavischs. Bugen dein nus a Vus sclariment davart la reservaziun ed il diever.
Reservar localitad