Fieras

Fiera da rauba a Glion

Termins 2021

  • 21 da fenadur 2021
  • 15 da settember 2021
  • 20 d'october 2021
  • 29 da december 2021 (fiera da vinars)

Las fieras da rauba a Glion vegnan organisadas entras la vischnaunca Ilanz/Glion. Ulteriuras informaziuns.


Fiera jamnila

Naven dils 8 da matg 2021 entochen probabel ils 16 d'october 2021 ha la fiera jamnila liug la sonda dallas 08.00 entochen las 12.00. Ils stans ein deponi alla finiziun vest dil plaz fiera a Glion.

Ils purs dallas vischnauncas vischinontas vendan legums, legums da bio, jarvas, caschiel, fretgs, ovs, mèl, sirup, ligiongias, paun, fluras, carn ed aunc bia auter.

Ulteriuras informaziuns: www.ilanzer-wochenmarkt.ch


Fiera d'advent a Glion

La fiera d'advent vegn organisada dall'uniun da commerci e mistregn da Glion e contuorn. Duront il di da fiera semida Glion en in mund tarlischont e glischont. Ina perfetga occasiun per far viva cun in migiel punsch ni vin cauld cun ils amitgs ed enconuschents. Forsa anfleis Vus era gia ils schenghetgs da Nadal sin in u l'auter dils numerus stans da vendita. Per pign e grond vegn purschiu enzatgei.

La proxima fiera d'advent ha liug sonda, ils 27 da november 2021 naven dallas 11.00 entochen las 19.00 el center ed el marcau vegl da Glion.

Ulteriuras informaziuns: www.hgv-ilanz.ch


Fiera da vinars a Glion

La fiera da vinars ei la davosa fiera digl onn. lls ins manegian ch'ils politichers hagien partiu pli baul quei di vinars culla populaziun, per ch'els vegnien aschia elegi danovamein. Auters ein dil meini, ch'ins hagi empleniu las reservas da vinars per igl unviern.

Quei ei denton buca relevant, oz ei il te da catschadurs, punsch e caffè cun vinars trumf. Plinavon ei la fiera da vinars in eveniment per sentupar cun amitgs, parents ed enconuschents e per far in viva cun els sigl onn vegnent.

La proxima fiera da vinars ha liug mesjamna, ils 29 da december 2021 naven dallas 10.00 el center da Glion.

La fiera da vinars a Glion vegn organisada entras la vischnaunca Ilanz/Glion.

Ulteriuras informaziuns