Novitads

Geografia

Cun ina surfatscha da 4,67 km² era il marcau da Glion en cumparegliaziun cun autras vischnauncas dalla Surselva avon la fusiun ina vischnaunca plitost mudesta. Entras la fusiun dil marcau da Glion cun las vischnauncas da Castrisch, Ladir, Luven, Pitasch, Riein, Ruschein, Schnaus, Sevgein, Duvin, Pigniu, Rueun e Siat ei ILANZ/GLION oz ina vischnaunca impurtonta cun ina surfatscha da terren habitau, da terren agricol, d'uaul e da mistregn da rodund 133,5 km². La vischnaunca ei situada al Rein anteriur amiez in vonn lad all'entrada dalla Val Lumnezia e vala sco la porta alla Ruinaulta.