Novitads

Spért da piunier al Rein

Avon varga 700 onns ei Glion l'emprema ga vegniu menziunau sco liug cun dretg da marcau: sco emprem marcau sper il Rein e sco "liug circumdaus d'in mir, nua che biars carstgauns seradunan per viver". Oz havein nus aviert nos mirs ed essan – ensemen cun las fracziuns circumdontas – la nova vischnaunca dad ILANZ/GLION, "la porta alla Ruinaulta". Il spért da piunier havein nus salvau e Glion ei oz il center d'ina regiun d'aventura, da cultura e d'economia pulsonta singulara. Nus essan restai innovativs e presentein a Vus nossa vischnaunca viva amiez il mund muntagnard fantastic dalla Surselva, nossa destinaziun da habitar e da vacanzas d'emprema classa. El center dalla veta, al puls dalla Surselva. Sesenti bein en nies liug da sentupada, nua che Vus vesis affons rients, entupeis glieud activa alla lavur, vid far sport e guder il temps liber e scuntreis glieud attempada ventireivla.