Informaziuns dalla vischnaunca Ilanz/Glion

Naven dils 19 d'avrel 2021 vala en l'entira Svizra


Concepts da schurmetg

Concepts da schurmetg ein per gronda part gia vegni elaborai d'associaziuns ni ulteriuras organisaziuns per branschas ni geners da sport. Nus supplichein las fatschentas da risguardar las directivas da lur associaziun e da nezegiar quels concepts da schurmetg. Eventualmein sto in agen concept da schurmetg vegnir elaboraus. Ulteriuras informaziuns ein d'anflar sut https://backtowork.easygov.swiss. Uniuns sportivas san per part far diever dils concepts da muster da Swiss Olympic (www.swissolympic.ch). Per il diever da stabiliments e localitads dalla vischnaunca sto vegnir presentau alla vischnaunca Ilanz/Glion in concept da schurmetg corrispundent.

COVID-19 Taskforce Surselva – concepts da schurmetg

Arisguard la sesiun d'unviern vegnenta han il cussegl federal e la regenza cantunala prescret ulteriuras mesiras. Per l'elaboraziun da concepts da schurmetg per infrastructuras communalas han las vischnauncas da Breil/Brigels, Ilanz/Glion, Lumnezia e Sursaissa Mundaun fundau ina taskforce ensemen cun la Surselva Turissem SA. Quella ei plinavon responsabla per la coordinaziun ed il brat denter las vischnauncas e la destinaziun turistica e tgira era la communicaziun anoraviars. Aschia sa vegnir garantiu ina realisaziun e controlla unificada dils concepts da schurmetg. Las pretensiuns als concepts da schurmetg e las controllas ein vegnidas augmentadas. Risguardei per plascher che la situaziun epidemiologica sa spert puspei semidar resp. las mesiras san puspei vegnir accentuadas. S'informei regularmein davart actualisaziuns ed adattei corrispundentamein Vies concept da schurmetg.

Diever da localitads ed indrezs dalla vischnaunca

Per il diever da localitads ed indrezs dalla vischnaunca ston las prescripziuns dalla confederaziun, dil cantun e dalla vischnaunca exnum vegnir risguardadas.

Tier damonadas contactei la vischnaunca, via telefon 081 920 15 15 ni per e-mail sin info@ilanz-glion.ch.


Virola covid-19

Il niev coronavirus ei fetg contagius e sa menar tier grevs decuors dalla malsogna sco era tier mortoris. La virola reducescha buca mo il buordi dalla malsogna e protegia cheutras la sanadad publica. Era las negativas consequenzas socialas ed economicas dalla pandemia san vegnir sminuidas. En Svizra ein virolas voluntarias. In obligatori da virolar ei tenor igl uffeci federal dalla sanadad publica UFSP buca previus.

Il center da virolas e da test per la Surselva sesanfla el spital regiunal Surselva a Glion. L'annunzia ei pusseivla online sur www.gr.ch/coronavirus ni per telefon 081 254 16 00.

La vischnaunca Ilanz/Glion sustegn persunas buca mobilas che basegnan agid, vivan aunc a casa e san buca serender al center da virolar e da test a Glion. La pusseivladad da transport vegn organisada entras la spitex Foppa. Sche Vus duvreis quei survetsch supplichein da contactar la spitex Foppa (telefon 081 926 50 90) aschigleiti che Vus haveis obteniu il termin da virolar.


Homeoffice administraziun communala

Suenter ch'il cussegl federal ha relaschau igl obligatori da homeoffice ein era collaboraturas e collaboraturs dall'administraziun communala dapi gliendisgis, ils 18 da schaner 2021, vid luvrar da casa anora. Quei ha per effect ch'els ein buca contonschibels persunalmein en casa cumin a Glion. Il survetsch da telefon e spurtegl dall'administraziun communala sa pil mument vegnir garantius senza restricziuns. Nus supplichein denton la populaziun da mo vegnir en casa cumin cura ch'igl ei propi necessari. Tenor pusseivladad duei vegnir communicau per e-mail, telefon ni posta.

Nus engraziein per la capientscha e sespruein da liquidar las damondas aschi spert sco pusseivel.


(Publicaziun ils 22-01-2021)

Contacts administraziun communala

Canzlia    
telefon 081 920 15 81


info@ilanz-glion.ch

Controlla da habitonts    
telefon 081 920 15 30


einwohnerkontrolle@ilanz-glion.ch

Uffeci da baghegiar    
telefon 081 920 15 60


bauamt@ilanz-glion.ch

Uffeci da taglia    
telefon 081 920 15 51


steueramt@ilanz-glion.ch

Polizia communala    
telefon 081 920 15 83


polizei@ilanz-glion.ch

Uffeci social    
telefon 081 920 15 33


info@ilanz-glion.ch