Proceduras currentas

Revisiun parziala dalla planisaziun locala Sevgein | Votaziun dil pievel dils 16-05-2021


La Montalta Transport + Kies AG ei vegnida fundada igl onn 1928 ed emploiescha oz 50 collaboraturas e collaboraturs a Glion e Schluein els secturs da transport, glera, betun, recicladi e dalla tgira da canals. Dapi 45 onns explotescha la fatschenta glera el territori da Tschentaneras (fracziun da Sevgein). Las reservas da glera dil territori d'explotaziun Tschentaneras cun dretg vertent ein prest exauridas. Sin fundament d'in concept d'explotaziun el territori da Glion duei il futur vegnir explotau ca. 700'000 m3 glera el territori da Bigliel sin ina surfatscha da ca. 3.4 ha. Per saver far quei drova ei ina revisiun parziala dalla planisaziun locala communala.


Revisiun Parziala dalla planisaziun locala Rueun | Votaziun dil pievel dils 16-05-2021


Ils davos onns ha la fatschenta Montalta Transport + Kies AG dislocau sia sedia da fatschenta cun baghegiar ina nova halla da reciclar ed in baghetg da biros el territori da Salavras, Rueun. Sper la Montalta Transport + Kies AG ein la Beton Val Mulin SA, la MM Aufbereitung + Recycling AG sco era la Regiun Surselva cun la deponia regiunala Plaun Grond sesentas en quei territori. Il liug da Salavras ei da grond'impurtonza per quellas fatschentas ed ideals quei che pertucca las vias da transport ed ils effects sigl ambient. Cunquei che plaz da deposit dalla fatschenta Montalta Transport + Kies AG va a piarder el territori da Plaun Grond muort la realisaziun dalla tiarz'etappa dalla deponia regiunala sto vegnir creau dapli spazi per il deposit e basegna ei in'extensiun dalla zona dad economisaziun da material existenta.


Revisiun parziala dalla planisaziun locala zona da commerci Rueun | Votaziun dil pievel dils 29-11-2020


La Scrinaria Spescha SA ch'ei sesenta a Rueun, sur la via cantunala H19, ha igl intent d'engrondir siu menaschi sin la parcella 11401. Per saver realisar quei project drova ei in engrondiment dalla zona da commerci ed aschia ina revisiun parziala dalla planisaziun locala.


Revisiun parziala Crappa Grossa Glion |
Votaziun dil pievel dils 27-09-2020


La GRegio Energie AG ha igl intent da construir sin las parcellas nr. 29 e 674 el territori da Crappa Grossa a Glion in'ovra per producir energia cun gas da lenna ed in'ovra da pelletar. La realisaziun dil project basegna ina revisiun parziala dalla planisaziun locala.