Revisiun totala dalla planisaziun

La populaziun dalla vischnaunca dad Ilanz/Glion ha approbau ils 9 da fevrer 2020 all'urna la revisiun totala dalla planisaziun locala. Il mument ei la procedura pendenta tier la Regenza (art. 49 al. 1 LPC). La Regenza sa curreger prescripziuns illegalas e sbagls formals duront la procedura d'approbaziun suenter l'audiziun dalla suprastonza communala e dils pertuccai.

Cun scriver dils 3 da november 2020 ha il cantun mess en mira diversas correcturas e resalvas el rom alla procedura dalla lubientscha. La suprastonza communla ha l'intenziun da prender posiziun resp. da far ina proposta tenor il sboz dils 18 da fevrer 2021.

Damai ch'in grond diember da possessurs da terren ei pertuccaus, succeda l'audiziun cun ina publicaziun ed in'exposiziun publica (art. 49 al.3 en cumbinaziun cun art. 13 al. 3 OPC analog).

Acts d'exposiziun:
- tut ils acts dalla revisiun totala dalla planisaziun locala dils 9 da fevrer 2020 (mira giusut)
- scriver digl Uffeci da planisaziun dil territori cantunal dils 3 da november 2020 pertuccont l'audiziun (cheu)
- sboz dalla risposta dalla vischnaunca Ilanz/Glion dils 18 da fevrer 2021, inclusiv las aschuntas menziunadas; aschuntas 2 - 12 (cheu)

 

Temps d'exposiziun: 
30 gis (naven dils 26-02-2021 entochen ils 29-03-2021)

Posiziuns:                      
Posiziuns concernent il scriver digl Uffeci da planisaziun dil spazi dils 3 da november 2020 sco era tier ils sbozs dalla risposta dalla vischnaunca dad Ilanz/Glion san vegnir inoltradas en scret naven dils 18 da fevrer 2021 duront il temps d'exposiziun per mauns dalla Regenza Grischuna.

Glion, ils 26 da fevrer 2021                                                                                                        Suprastonza communala