2. exposiziun publica dalla procedura da participaziun lescha pertuccont il manteniment, menaschi e diever dallas ovras da megliuraziun

Sebasond sigl art. 13 dall'ordinaziun davart la planisaziun dil territori dil cantun Grischun (OPTGR) ha liug in'exposiziun da participaziun en caussa lescha pertuccont il manteniment, menaschi e diever dallas orvras da megliuraziun sco era dalla lescha pertuccont il carrar sin vias da megliuraziun.

La stad vargada ha gia giu liug ina exposiziun publica en caussa lescha da manteniment dallas ovras da megliuraziun. Ils 2 da zercladur 2020 ha giu liug ina informaziun publica. Naven dils 10 da zercladur 2020 ha l'exposiziun publica dalla procedura da participaziun giu liug. Quella ha cuzzau 30 dis. Sin fundament dils resuns a caschun dall'informaziun publica sco era entras las inoltraziuns ella procedura da participaziun ha la suprastonza tractau da niev la lescha da manteniment dallas ovras da megliuraziun. Ella ha decidiu da midar il principi da finanziaziun (sistem da perimeter) e da turnar anavos tier il sistem cun lubientschas da carrar sco quei vegn practicau entochen oz.

Object:
- Lescha pertuccont il manteniment, menaschi e diever dallas ovras da megliuraziun ordeifer la zona da baghegiar
- Lescha pertuccont il carrar sin vias da megliuraziun

Exposiziun planisaziun locala:
- Sboz dalla lescha pertuccont il manteniment, menaschi e diever dallas ovras da megliuraziun (text per tudestg)
Sboz dalla lescha pertuccont il carrar sin vias da megliuraziun (text per tudestg)

Temps d'exposiziun:
naven dils 26-03-2021 entochen ils 30-04-2021

Liug/temps d'exposiziun:
Casa Cumin Glion, infrastructura, 3. alzada
(duront il temps d'avertura)

Duront il temps d'exposiziun san remarcas e giavischs vegnir inoltrai a scret alla suprastonza communala.
 


Glion, 26-03-2021
Suprastonza communala Ilanz/Glion