Elecziun substitutiva communala dils 21 d'uost 2022

Cun l'elecziun dalla presidenta communala, dr. Carmelia Maissen, ella regenza dil cantun Grischun ei in'elecziun substitutiva communala da menar atras.

L'elecziun dil presidi communal succeda tenor art. 31 dalla constituziun communala tras la cuminoza da votantas e votants all'urna. Quell'elecziun substitutiva ha liug dumengia, ils 21 d'uost 2022 (emprem scrutini). In eventual secund scrutini ha liug dumengia, ils 25 da settember 2022. Entrada en uffeci ei igl 1. da november 2022. Ei dat negin termin d'annunzia per candidaturas, quellas ein pusseivlas entochen il davos gi. La vischnaunca publichescha candidaturas che vegnan annunziadas ad ella tochen ils 15 da fenadur 2022 el Fegl ufficial Surselva. 


Glion, 03-06-2022