Fracziuns Pigniu, Sevgein, Schnaus, Pitasch e Ruschein (quartier Tischinas)
Project extensiun MU-REA, Sort 4 - Adressas dils baghetgs
L'ovra da mesiraziun dalla vischnaunca dad Ilanz/Glion MU-REA Sort 4, pertuccont l'emprema registraziun dallas adressas dils baghetgs els territoris habitai dallas fracziuns da Pigniu, Sevgein, Schnaus e Pitasch sco era dil quartier Tischinas a Ruschein, vegn exponida publicamain tenor art. 22 dalla lescha cantunala da geoinformaziun (LCGeo; DG 217.300).
Actas d'exposiziun
Liug d'exposiziun
Casa Cumin, 3.alzada, Plazza Cumin 9, 7130 Ilanz
Temps d'exposiziun
Dils 26 da matg entochen ils 26 da zercladur 2023
Informaziuns
Igl inschignier geometer stat a disposiziun ils 14 da zercladur 2023 dallas 16.00 entochen las 17.00 en Casa Cumin, Sala Cumin, per dar informaziuns.
Tgi che ha in interess legitim sa far protesta a scret tenor igl art. 23 LCGeo tier la suprastonza communala dad Ilanz/Glion, Plazza Cumin 9, 7130 Glion, entochen sil pli tard ils 26 da zercladur 2023 (datum dil bul postal). La protesta sto cuntener ina proposta, ils fatgs ed ina motivaziun sco er las numeras dils plans e dallas parcellas.
Glion, 26-05-2023
