Informaziuns dalla suprastonza communala dils 14-11-2023
Ils 14 da november 2023 ha la suprastonza communala:
- fixau ils termins 2024 dallas sedutas dalla suprastonza communala;
- tractau las protestas inoltradas encunter l'extensiun AV-GWR, Los 4 – adressas da casadas sper vias cantunalas;
- priu enconuschientscha dil stan acutal dalla construcziun da fermadas da auto da posta tenor lescha da persunas cun impediments (LI) e decidiu la construcziun/midada d'ulteriuras fermadas;
- tractau ed approbau ina damonda da reponderaziun pertuccont la sanaziun dalla via da Ladir;
- approbau la damonda inoltrada da convischins per introducir ina zona da tempo 30 a Riein;
- approbau il contract per in dretg da baghegiar cun la Bianchi Bau AG, parcella 10044, areal armasuisse Rueun West;
- approbau la damonda per prolungir la zona da planisaziun sin igl intschess dalla vischnaunca Ilanz/Glion;
- approbau las disposiziuns adressadas als proprietaris d'edifezis a Signina/Riein pertuccont il tractament dall'aua piarsa;
- confirmau la decisiun circulara pertuccont la retratga d'aua da diever entras la Montalta Transport + Kies AG a Salavras, Rueun, e deliberau il messadi corrispundent per mauns dil parlament communal.
Nus supplichein da prender per enconuschientscha.
Glion, 17-11-2023
