Lescha davart la promoziun dalla cultura (Lescha da cultura; Ldc); consultaziun

A caschun dall'occurrenza d'informaziun publica dils 18 da zercladur 2022 ein la populaziun sco era ils ulteriurs interessai vegni informai davart la nova basa legala sco era rapport da basa davart la promoziun dalla cultura.

Interessai han ussa la pusseivladad da prender posiziun a scret enteifer 30 gis tier il rapport da basa sco era la lescha da cultura. Las actas da consultaziun anfleis Vus cheu.

Nus supplichein Vus d'inoltrar Vossas posiziuns entochen ils 18 da fenadur 2022 electronicamein sin info@ilanz-glion.ch. Per sclariments supplementars sedrizzei per plascher ad Angela Gulli, secretariat canzlia, telefon 081 920 15 31 ni angela.gulli@ilanz-glion.ch.

Nus engraziein per Vossa cooperaziun.
 


Ilanz, 17.06.2022