Procedura d'approvaziun dals plans per installaziuns a current ferm

Exposiziun publica dals plans.

Project nr. S-176915.1
Pitga-Staziun da transfurmaziun 299 Luven / MS Puozavallà
coordinatas: 2734146/1179313


A l'inspecturat federal d'installaziuns a current ferm è vegnida inoltrada la dumonda d'approvaziun dals plans ch'è menziunada qua survart.

Dumonda da:
Repower AG Surselva; Via Santeri 74; 7130 Glion

Exposiziun publica:
Ils documents da dumonda vegnan exponids publicamain dals 7 da schaner 2022 fin ils 7 da favrer 2022 en la Vischnaunca Ilanz/Glion, Plazza Cumin 9, 7130 Glion. Prender invista pon ins mintgamai durant las uras d'avertura ordinarias. L'exposiziun publica chaschuna in scumond d'expropriaziun tenor ils artitgels 42 a 44 da la lescha federala d'expropriaziun (LExpr; CS 711).

Protestas:
Tgi ch'è partida tenor las prescripziuns da la LExpr, po far valair durant il termin d'exposiziun tut las dumondas tenor l'artitgel 33 LExpr. Quellas èn principalmain:
a. protestas cunter l'expropriaziun;
b. dumondas tenor ils artitgels 7–10 LExpr;
c. dumonda d'ina prestaziun en natiralias (art. 18 LExpr);
d. dumonda d'ina extensiun da l'expropriaziun (art. 12 LExpr);
e. l'indemnisaziun d'expropriaziun dumandada.

Obligads d'annunziar pretensiuns entaifer il termin da protesta èn er ils locataris ed ils fittadins sco er ils possessurs dal dretg da servitut ed ils crediturs cun dretgs persunals prenotads. Ils dretgs da pegn e las chargias funsilas che garanteschan per in bain immobigliar che fa diever da la servitut funsila, na ston betg vegnir annunziads, ils dretgs da giudida mo, sch'i vegn pretendì ch'i resultia in donn pervia da la retratga da l'object da giudida.

Inspecturat federal d'installaziuns a current ferm
Projects
Luppmenstrasse 1
8320 Fehraltorf

Uffizi d'energia e da traffic dal Grischun
Partiziun per la producziun ed il provediment d'energia

 


Glion, 07-01-2022