Sanaziun totala dalla Via S. Clau, Rueun

Intenziun dad instradar ina procedura da perimeter tier la sanaziun totala dalla Via S. Clau, Rueun.

La suprastonza communala dad Ilanz/Glion ha decidiu a caschun dalla seduta dils 9 da mars 2021 dad instradar tier la sanaziun totala dalla Via S. Clau a Rueun ina procedura da perimeter. Quei sin fundament dils art. 62 e 63 dalla lescha da planisaziun dil spazi dil cantun Grischun (LPS) sco era digl art. 22 dalla ordinaziun da planisaziun dil spazi (OPS).

Ils acts dalla procedura da perimeter ein exponi per envesta publica naven dils 30 d'avrel 2021 en Casa Cumin a Glion ella 3. alzada. Pervia dalla situaziun dil coronavirus supplichein nus Vus da s'annunziar ordavon per telefon sut la numera 081 920 15 66.

Duront il temps da publicaziun sa ei vegnir fatg protesta a scret e cun argumentaziun encunter l'intenziun dad instradar ina procedura da perimeter, encunter la surfatscha pertuccada ed encunter la repartiziun dils cuosts denter privats e vischnaunca. 
 


Glion, 30-04-2021