Scamond absolut da far fiug el liber

Sin fundament dil prighel acut da barschaments d'uauls eis ei scumandau absolutamein da far fiug egl entir territori communal dad Ilanz/Glion inclus il territori habitau.

Per ils proxims dis vegn puspei prognosticau aura da stad cun temperaturas aultas. Cun quei daventa era il prighel da barschaments d'uauls e da praus pli gronds. Pervia dallas fasas senza plievgia e la liunga perioda da bial'aura ein ils funs dils uauls ed ils praus vegni fetg schetgs. Sut talas circumstanzias eis ei ordvart probabel che zulprins envidai, sbrenzlas d'in fiug da grillar e cametgs san caschunar in fiug che sa sederasar fetg spert.

Pervia dil grond prighel da barschaments d'uauls e da praus ha la suprastonza communala relaschau per igl entir territori communal dad Ilanz/Glion in scamond general da far fiug el liber inclus fiugs artificials e fiugs artificials pigns sco candeilas magicas ni vulcans sco era gril da cotgla e gril da gas.

Fegl d'informaziun pertuccont «scamond absolut da far fiug el liber per igl entir territori communal dad Ilanz Glion» anfleis Vus cheu.

Sin fundament dil prighel acut da barschaments d'uauls eis ei scumandau absolutamein da far fiug egl entir territori communal inclus il territori habitau. Products da fimar ni battafiugs astgan buca semplamein vegnir bess naven. Era las fueinas fixas astgan buca vegnir utilisadas.

Ina sluccada dalla situaziun ei da spitgar pér suenter plievgia intensiva duront plirs dis. Leva plievgia ni in urezi d'ina duas uras san buca descalar persistentamein la situaziun.

La suprastonza communala spera sin la capientscha dallas habitontas e dils habitonts sco era dils hosps da vacanzas. Engraziel per Vies sustegn.


Suprastonza communala Ilanz/Glion


Glion, 22-07-2022