Castrisch

La fracziun da Castrisch sesanfla 2,5 kilometers egl ost dil center Glion ed ei bein contonschibla cun il traffic public, seigi quei cun la Viafier retica (lingia Cuera – Mustér) ni cun igl auto da posta (lingia Glion – Versomi). Castrisch ei situau all'entrada dalla Ruinaulta che vegn era numnada «il Swiss Grand Canyon». Quei monument natural singular incantescha viandonts, bikers e sportists dall'aua. Entschiet ha la historia dalla Ruinaulta cun la bova enorma da Flem avon circa 10'000 onns. Il Rein, ch'ei vegnius stagnaus, ha fullau via en mellis onns ed aschia formau la Ruinaulta.

Uoppen Castrisch tochen 31-12-2013