Duvin

La fracziun da Duvin sesanfla da vart dretga dalla val, denter la val da Pitasch e la val Uastg sin rodund 1'200 m. s. m. Igl onn 1950 han ins anflau a Duvin el nord dalla baselgia enzacontas fossas ch'ins ha datau dil temps precristian. Cunquei ch'il territori ei zuppaus ed aschia protegius, ei Duvin stau in liug adattau per ina colonisaziun tempriva. Ils davos tschien onns ei la populaziun sesviluppada irregularmein. La maioritad dallas persunas cun activitad da gudogn lavura aunc oz el sectur dall'agricultura e l'economia forestala. A Duvin vegn principalmein discurriu romontsch.

Uoppen Duvin tochen 31-12-2013