Riein

La pintga fracziun muntagnarda da Riein ei situada sin ina bellezia terrassa sin 1'270 m. s. m. cun ina vesta impressiunonta sur la Lumnezia sin. Il maletg dalla cuntrada vegn dominaus dil massiv da muntognas imposant dalla Gruppa Signina, il motiv daco che biars catschadurs e viandonts apprezieschan Riein. Grazia a bunas e fritgeivlas pradas ei l'agricultura aunc oz l'occupaziun principala dalla populaziun da Riein. D'interess historic ei il fatg che la vischnaunca da Riein ei stada ina dallas empremas el Grischun ch'ei vegnida reformada igl onn 1526. Aunc oz ei in caracter da piunier tipics per Riein. A Riein dat ei per exempel ina pintga ovra electrica che trai a nez la pendenza denter la fontauna sin l'Alp Riein ed il reservuar el vitg per producir ina prestaziun da 15 kilowat (kW) – avunda current per circa 15 casadas. L'Uniun da dunnas Fontanivas e l'uniun da tir ein ina part impurtonta dalla veta sociala ella fracziun.

Uoppen Riein tochen 31-12-2013