Novitads

Resgia Riein

Informaziuns da reservaziun (Infos per visitaders)

  • La surdada dalla clav succeda tras:
    Yolanda Caspescha, Mobile 079 763 89 91

  • Affittaziun dalla Resgia a Riein mo entras carschi.

  • Ella Resgia anfleis Vus per mintga hosp in batlini ed in plumatsch cun tergida. Sacs da durmir ein da prender cun ins sez, in'ulteriura cozza da launa stat a disposiziun. Schigientamauns da cuschina ha ei en la Resgia, mieds da schubergiar, savun, pupi da tualetta e schubergiader da tualetta ein avon maun. Sacs da rumien (verds) cun taxa da dismessa dalla Regiun Surselva san ins retrer cun pagar ina taxa per sac da rumien (60 L sac da rumien CHF 2.60 per toc ni 110 L sac da rumien CHF 4.80 per toc).

  • Pusseivladads da far cumissiuns, bancas, bus e tren, in bogn aviert ed auter sesanflan a Glion. Magnucs entirs d'alp (4-6 kg) saveis Vus cumprar directamein dil pur a Riein. Thomas Zinsli dat bugen a Vus sclariment en caussa, Mobile 079 669 56 27.

  • La plazza vest avon la Resgia sa vegnir duvrada per scargar e per 3-5 autos. Per ulteriurs vehichels saveis Vus far diever dil parcadi alla fin dil vitg.

  • El plaunterren astgeis Vus passar cun calzers, las stanzas da durmir e la scala per plascher passar mo cun scalfins.

  • Ella Resgia anfleis Vus il cudisch "WIE-WO-WAS" cun informaziuns detagliadas davart la cultura d'utilisaziun dalla casa. Avon che Vus metteis en funcziun las pegnas contactei per plascher il pedel.

  • Fimar ei scumandau egl entir baghetg. Dus gronds tschendrers ein plazzai ordadora vid il mir. Per plascher deponer las cigarettas el tschendrer.

  • Sigl entir territori dalla Resgia eis ei absolutamein scumandau d'envidar fiugs artificials da tut gener.

  • La Resgia sto vegnir surdada schubra (besenrein), inclusiv cuschina ed ils stabiliments sanitars.