Novitads

Canorta d'affons Mäuseburg

Nies giavisch primar ein affons sauns e cuntents. Nus lein influenzar a moda positiva lur svilup mental, artistic, creativ e corporal.

Per quei motiv luvrein nus cun gruppas d'affons homogenas partenent la vegliadetgna e purschin pusseivladads d'emprender ludicas per tut ils affons dalla canorta. Il motto dalla lavur communabla ei "affons denter affons".

Vegliadetgna
Dil pop tochen agl affon alla fin dil 5. onn da veta. Ils affons vegnan tgirai d'educaturas diplomadas ch'ein independentas quei che pertucca la confessiun.

Annunzia ed informaziuns detagliadas
Wieke van Vliet
Via Fontanivas 3
7130 Glion
tel. 081 936 02 03
maeuseburgknsch
www.maeuseburg.ch

Novas tariffas dependentas dallas entradas

Canortas d'affons ein per biars geniturs in'impurtonta tgira cumplementara alla famiglia e per nossa societad in'investiziun egl avegnir. Ils affons emprendan bia per lur cumpetenza sociala e fan in grond pass viers l'independenza.

Per tener quen dalla realitad vegn la purschida adattada allas cundiziuns regiunalas.

Perquei introducin nus tariffas dependentas dallas entradas e transformein l'instituziun purtadra en in'uniun. L'uniun ei vegnida fundada ils 14 d'avrel 2012. Ella vegn menada senza finamira da rendita ed ei independenta quei che pertucca la confessiun el senn digl artechel 60 ss. CCS. La sedia dall'uniun ei a Glion.

Cheu anfleis Vus la tabella da tariffas.


Tgira d'affons

La KJBE procura per famiglias dil di e tgiradras d'affons.

Ulteriuras informaziuns via telefon 081 300 11 40 ni www.kjbe.ch.


Purschida per la tgira d'affons "TATTA D'EMPREST"

La tatta d'emprest passenta diversas uras per jamna, per meins ni mo uras denteren cugl affon ella famiglia e sviluppescha aschia in bien ed individual contact – ina relaziun emoziunala che sa cuzzar sur in liung temps.

L'agentura da COMPAGNA Grischun organisescha en in discuors persunal la tatta d'emprest per la famiglia e regla l'entira administraziun. La tariffa per ura per la famiglia ei CHF 16.00.

Flyer Compagna Grischun

Informaziuns e tariffas purschida "tatta d'emprest"

Ulteriuras informaziuns: www.compagna-graubuenden.ch