Novitads

Fatgs da fiera

Schef da fiera 
Tizian Schär

tel. 081 920 15 15
marktchefilanz-glionch

Informaziuns generalas

Installaziun dils stans
Ils stans da fiera ston vegnir installai aschia ch'ils access a gassas ni a vias lateralas ed ad eschs-casa ed eschs-stizun ein libers. Las instrucziuns dil schef da fiera e las signalisaziuns sil plantschiu ein da risguardar.

Cuoz dalla fiera
Il plaz dil stan sa vegnir occupaus il gi da fiera naven dallas 07.30 e sto vegnir rumiaus mintgamai tochen las 17.30. Ils stans da fiera dalla vischnaunca vegnan endrizzai e rumi dils organs determinai dallas autoritads communalas. Ina blacha ei aschuntada, ha denton da vegnir tschentada individualmein.

Taxas
Las taxas duein cuvierer ils cuosts dalla realisaziun dalla fiera, d'ina reclama adequata e digl allontanament dil rumien. Per ils plazs dils stans dallas fieras da rauba ufficialas ein da pagar las suandontas taxas:

  • per in agen stan da vendita CHF 7.00/meter current
  • per in stan da vendita dalla vischnaunca (3.50 m) CHF 50.00/toc
  • expositurs da maschinas agricolas e vehichels semeglionts CHF 2.50/m²
  • taxa da rumien per mintga participont da fiera: CHF 3.00
  • taxa per reclama per mintga participont da fiera: CHF 5.00
  • taxa per current electric per mintga participont da fiera che consumescha: CHF 7.00

Sch'ei vegn duvrau ultra dil stan terren supplementar, vegn quel quintaus tier la lunghezia dil stan. Ei vegn adina arrundau a meters entirs. Las taxas vegnan incassadas mintgamai il gi da fiera directamein dil schef da fiera.

Lubientscha/annunzia
Tgi che vul separticipar alla fiera drova ina lubientscha en scret. La damonda cun il formular ufficial dalla vischnaunca dad Ilanz/Glion sto vegnir inoltrada silmeins 20 dis avon il gi da fiera. Ils plazs dils stans vegnan attribui dils organs determinai dallas autoritads communalas. En cass d’impediment ha il participont dalla fiera d’informar la vischnaunca sil pli tard dus gis da lavur avon il gi da fiera entochen las 09.00. Sche quei ei buc il cass, vegn mess a quen ina contribuziun allas spesas da CHF 100.00.

Cheu saveis Vus s'annunziar online per la fiera

Formular da contact

Formular da damonda