Polizia

Polizists communals
Marco Andreoli
tel. 081 920 15 21
marco.andreoliilanz-glionch

Silvio Schorta 
tel. 081 920 15 20
silvio.schortailanz-glionch

fax 081 920 15 16

Clom d'urgenza 117

Tips dil Post da consultaziun svizzer per la prevenziun d'accidents anfleis Vus sin www.bfu.ch.

Secturs da cumpetenza

• Mantener il ruaus public, igl uorden, la segirtad e l'etica
• Constatar ils fatgs e denunziar agl uffeci cumpetent cass da cunterfatgas a leschas ed ordinaziuns dalla vischnaunca dad Ilanz/Glion
• Survegliar ils vehichels parcai e reparter multas disciplinaras
• Regular il traffic
• Porscher agid legal ad auters uffecis
• S'occupar dils fatgs da tgauns

gliendisdis - gievgia                                              
08.30 – 11.30
13.30 – 17.00

venderdis                                         
08.30 – 11.30
13.30 – 16.30

(termins cun referendaris tenor cunvegna per telefon)

Tener animals
Animals ston vegnir teni aschia che negin vegn mulestaus a moda insupportabla ed aschia che ni carstgauns, auters animals ni caussas vegnan periclitai.

Obligaziun d'annunzia
Ina possessura ni in possessur d'in tgaun sto annunziar mintga tgaun tier la polizia communala. Sch'in tgaun mida possessur, ei la nova possessura ni il niev possessur obligaus d'annunziar quei enteifer 14 dis. L'annunzia sto vegnir fatga mintg'onn tochen ils 31 da schaner. L'obligaziun d'annunzia entscheiva, schigleiti ch'il tgaun ha treis meins.

Taglia da tgauns
Tenor art. 11 e 12 dalla lescha da taglia dalla vischnaunca Ilanz/Glion sto vegnir pagau taglia per mintga tgaun da treis meins e pli vegls che vegn tenius sin territori da vischnaunca. Ils proprietaris ein obligai d’annunziar lur animals enteifer 30 dis alla polizia communala Ilanz/Glion.

Tenor art. 14, al. 1 dalla lescha da taglia communala cuosta igl emprem tgaun frs. 100.00 e mintga ulteriur el medem tenercasa frs. 150.00.

Dall'obligaziun da pagar taglia da tgauns ein excepi:

• tgauns da polizia
• tgauns da lavinas
• tgauns per tschocs e persunas senza udida

Cuors AEM
Ils cuors da AEM per possessurs da tgauns ein vegni aboli cun igl 1. da schaner 2017. Cun quei datum scroda igl art. 68 dall‘ordinaziun da protecziun d’animals. Quei vul dir, possessurs che han mess neu in tgaun avon la fin 2015, ein da principi obligai da frequentar il cuors da AEM.

Tener tgauns ella publicitad (mira lescha da polizia)
Igl ei scumandau da prender tgauns en implonts da bogn, baselgias, santeris, salas da concert, teaters e kinos. Excepiu da quei scamond ein tgauns da tschocs e tgauns d‘assistenza. En baghetgs dall‘administraziun communala ed en menaschis da restauraziun, sin areals da scola e da scoletta, sin plazzas da giug, implonts da sport sco era en parcs publics ein ils tgauns da menar vid la tschenta. La suprastonza communala sa determinar ulteriurs loghens, nua ch‘igl ei da menar ils tgauns vid la tschenta.
Possessurs da tgauns e menaders da tgauns han da procurar ch‘ils excrements da tgaun sin terren public e terren privat da tiarzs vegnien allontanai immediat e con-form agl uorden.

La nova banca da datas da tgauns AMICUS

Per survegnir ina numera da moped duvrein nus da Vus:

• il document dil vehichel
• la lubientscha da manischar
• la carta d'identitad

Mintgamai tochen ils 31 da matg digl onn current ston ins cumprar las vignettas (al spurtegl dalla polizia communala dad Ilanz/Glion, taxa da frs. 43.00). En quella taxa ei cumprida l'assicuranza da responsabladad civila collectiva dil Cantun per mopeds e la procuraziun per la numera.

Informaziuns davart il reglament da parcar sigl intschess dil marcau da Glion
El fegl ufficial dil cantun dils 3 da december 2015 ein vegnidas publicadas las restricziuns da traffic en connex cun il niev reglament da parcar sigl intschess dil marcau da Glion. La zona cun scamond da parcar e la nova regulaziun pertuccont las cartas da parcar (vignettas) sigl intschess dil marcau da Glion ein entradas en vigur igl 1. da fenadur 2016.

Las cartas da parcar actualas san vegnir retratgas tier la controlla da habitonts ella Casa Cumin a Glion (2. alzada).

Ei dat ei treis variantas da cartas da parcar. Informaziuns detagliadas anfleis Vus cheu.

Mira lescha da polizia