Neofitas invasivas

Neofitas invasivas ein plontas jastras per nies territori ch'ein vegnidas importadas cun ni senza intenziun suenter la scuvretga dall'America igl onn 1492. Ellas sederasan sin donn e cuost dallas specias indigenas a moda efficienta (invasiva), selain metter sut controlla mo a moda fetg difficila e fan donns adina pli gronds all'economia, alla sanadad ni alla protecziun dalla natira.

Las neofitas
• scatschan savens la flora indigena;
• pericliteschan la sanadad (ambrosia, darvena giganta);
• pericliteschan l'agricultura e l'economia forestala
• destabiliseschan ni donnegian edifecis e vias
• procuran per aults cuosts el manteniment dall'infrastructura, dil territori natural protegiu, dall'agricultura, etc.





El Grischun vala la cumpleina attenziun allas suandontas plontas:
• ambrosia (Ambrosia artemisiifolia)
• specias da saldagens americans (Solidago spp.)
• specias da badalestgs asiatics (Reynoutria spp.)
• balsamina cun glondas (Impatiens glandulifera)
• sumac (Rhus typhina)
• plonta dil parvis (Ailanthus altissima)
• darvena giganta (Heracleum mantegazzianum)
• senecia cun feglia stretga (Senecio inaequidens)
• siringia da stad (Buddleja davidii)

Per damondas stat la persuna da contact communala Remo Alig, telefon 081 920 15 74, bugen a Vossa disposiziun.

Strategia encunter neofitas invasivas dalla vischnaunca Ilanz/Glion.

Ulteriuras informaziuns davart il tractament correct dallas plontas anfleis Vus cheu.