Basa da pumpiers Ilanz/Glion

Ils pumpiers surprendan en general la prevenziun da donns. Els cumbattan fiug, eveniments elementars e donns che pericliteschan carstgauns, animals e valurs realas e che donnegian igl ambient. Ils pumpiers segidan el seracass el senn dalla lescha cantunala davart igl agid en cass da catastrofas. Els san vegnir obligai da surprender ulteriuras incumbensas.

Il corp da pumpiers dad Ilanz/Glion ademplescha era incumbensas cantunalas. Ultra dallas quater gruppas ost, vest, nord e center han ils pumpiers da Glion ina gruppa d'agid stradal ed ina gruppa d'agid viafieril.

Per igl agid stradal ei il cumandant subsidiar Radomir Mihajlovic responsabels. Exercezis ed acziuns digl agid viafieril meinan igl instructur dalla Viafier retica, David Rudolf, ed il cumandant Gion Casaulta.


Exercezis da pumpiers


Absenza exercezis da pumpiers

Perstgisas motivadas per absenzas duront exercezis da pumpiers ed exercezis d'alarm ston vegnir inoltradas enteifer 10 gis al cumandant da pumpiers, en cass ch'ins ei buc el liug enteifer 3 gis suenter il retuorn.

Sco perstgisa valan:

  • Malsogna ni accident (attestat dil miedi)
  • Greva malsogna ni mortori en famiglia
  • Survetsch militar ni survetsch da protecziun civila (copia camond da marschar)
  • Activitad professiunala (confirmaziun cun suttascripziun dil patrun da lavur)
  • Scola ni formaziun professiunala supplementara (confirmaziun cun suttascripziun dalla scola)

Clom d'agid

Contact

Cumandant da pumpiers
Gion Casaulta
Via Padrus 4
7126 Castrisch

mobil 079 681 48 20
e-mail


Vicecumandant da pumpiers
Radomir Mihajlovic
Via Schlifras 68
7130 Glion

telefon 081 925 30 32
mobil 077 400 04 92
e-mail

Adressa

Vischnaunca Ilanz/Glion
Basa da pumpiers Ilanz/Glion
Caum postal 90
7130 Glion


Acziuns da pumpiers ed uras da survetsch

2022
Igl onn 2022 ein ils pumpiers vegni clamai 25 gadas. Tier las intervenziuns pli grondas s’auda in incendi d’ina casa a Glion che ha pretendiu 761 uras da survetsch. Las intervenziuns che vegnan caschunadas entras in indrez per annunziar incendis s’augmentan permanentamein. Era vischnauncas vischinontas han stuiu vegnir sustenidas, aschia per exempel Trin, nua ch’in uaul era en flommas. El rom dils exercezis da corp e da cader han ils pumpiers prestau 2'500 uras da survetsch. Grazia als exercezis fetg bein preparai e las persunas da cader motivadas eis ei reussiu da contonscher ina participaziun dad 80 pertschien. In cordial engraziament per igl engaschi. Il material ei mantenius bein e funcziunal. Plinavon corrispunda il material al stan dalla tecnica actuala.

2021
Igl onn 2021 ein ils pumpiers vegni clamai 13 gadas. Las intervenziuns ein per part era stadas difficilas e buca semplas per tut ils participai, denter auter duas acziuns per la Viafier retica cun donns da persunas, in'intervenziun digl agid stradal ed il sustegn en connex cun igl incendi grond ella zona d'industria Islas a Schluein. La squadra ha dau damogn als cass a moda fetg professiunala ed adina per il bien dallas persunas pertuccadas. Per exercezis da squadra e da cader han ils pumpiers prestau 2'654 uras da survetsch. Ultra da quei ha igl agid stradal ed igl agid viafieril exercitau, e quei era en terren difficil.

2020
Ils pumpiers ein vegni clamai igl onn 2020 19 gadas. Per exercezis da squadra e da cader han ils pumpiers prestau 1'671 uras da survetsch. Ultra da quei ha igl agid stradal ed igl agid viafieril exercitau, e quei era en terren difficil. Duront il lockdown da corona han ins strihau ils exercezis per impedir ch'il virus sederasi denter ils pumpiers. La promtadad d'intervegnir ei stada garantida mintga mument. Il cumandant ei era staus activs el stab directiv ommunal.

Igl ault prighel d'incendis d'uaul la stad sco era in pèr draccadas intensivas cun prighel d'inundaziun han procurau ch'ils pumpiers ein entrai pliras gadas en acziun preventivamein per identificar ad uras situaziuns prigulusas e per saver instradar mesiras baul avunda. Davos las culissas ha la squadra da material mirau che quel ed ils vehichels mess a disposiziun dalla vischnaunca seigien promts.

2019
Ils pumpiers ein vegni clamai igl onn 2019 23 gadas. Duront lur acziuns han ils 107 pumpiers prestau 596 uras da survetsch. Per exercezis da squadra e da cader han els prestau 2'618 uras.

2018
Ils pumpiers ein vegni clamai igl onn 2018 17 gadas. Duront lur acziuns han ils 111 pumpiers prestau 530 uras da survetsch. Per exercezis da squadra e da cader han els prestau 2'358 uras.

2017
Duront igl onn 2017 ein ils pumpiers vegni clamai 20 gadas. Per quellas acziuns han els prestau rodund 900 uras da survetsch. Da quei crodan buca meins che 300 uras sil barschament d'in gagliner a Rueun, igl uost 2017. Il corp da pumpiers dumbra totalmein 107 pumpieras e pumpiers. Per exercezis da squadra e da cader han els prestau igl onn 2017 1'600 uras, vitier aunc ulteriuras 780 uras per perfecziunament e scolaziun pil salvament en cass da barschaments dalla viafier.