Plazza da far camps Isla a Rueun

Sin intschess dalla vischnaunca Ilanz/Glion dat ei ina plazza da far camps, denton negin campadi permanent. La vischnaunca Ilanz/Glion posseda ad «Isla» ella fracziun da Rueun (dalla vart dretga dil Rein) ina plazza da far camps che sa vegnir prida a tscheins.

Detagls dalla plazza da far camps

  • Grondezia dalla plazza da far camps ca. 1'500 m2
  • Maximalmein 100 persunas astgan far diever dalla plazza da far camps
  • Dalla surdada ei il terren numnau segaus resp. raccoltaus
  • Ins astga far diever dallas fueinas existentas (excepziun scamond da far fiug absolut)
  • L'aua san ins retrer directamein dalla fontauna
  • Igl ei pusseivel da baghegiar ina latrina
  • Igl ei lubiu da cavar foss da drenar sin il terren numnau
  • Ins astga buca procurar sez per lenna da brisch (era buca cutgas). Contactei ad uras la resgia Dalbert a Luven, telefon 079 245 12 22.
  • En cass da malaura stattan ils quatiers d'urgenza dalla vischnaunca a disposiziun
  • Ins astga buca passar els praus cunfinonts
  • Igl ei buca lubiu da far diever dalla plazza da ballapei
  • Material e bagascha sto vegnir transportau naven dalla staziun dil tren alla plazza da far camps ed anavos cun transporters pigns dalla direcziun dalla plazza da far camps
  • Pervia dil prighel d'inundaziun duessen tendas buca vegnir baghegiadas si sper la riva dil Rein
  • Vehichels han access alla plazza da far camps sulettamein per transports
  • Per igl entir territori vala in scamond da transit e da parcar
  • La vischnaunca dad Ilanz/Glion surpren negina responsabladad per accidents

Purschidas

  • Bogn aviert a Glion (5 km)
  • Bogn cuvretg a Laax (9 km)
  • Curtgin da reiver a Siat (sur Rueun, 3 km)
  • Bialas sendas da viagiar

Cuosts
Ils tscheins importan CHF 200.00 per jamna (era CHF 200.00 per mintga jamna gia entschiata)

Contact e reservaziun
Vischnaunca Ilanz/Glion
Plazza Cumin 9
7130 Glion

telefon 081 920 15 15
info@ilanz-glion.ch