Novitads

Dismessa da rumien

Loghens da rimnada Ilanz/Glion

Cheu anfleis Vus ils loghens da rimnada per mintga fracziun dalla vischnaunca dad Ilanz/Glion.

Dismessa da rumien

La Regiun Surselva, Glion, organisescha la dismessa da rumien. Il rumien sto vegnir dismess els sacs da rumien suttamess a taxas dalla Regiun Surselva.

Cheu anfleis Vus ils temps da dismessa per mintga fracziun dalla vischnaunca dad Ilanz/Glion.

Pupi vegl

Las acziuns da rimnada vegnan realisadas dallas scolas. Las dismessas respectivas ellas differentas fracziuns vegnan publicadas el Fegl ufficial Surselva. La MM Aufbereitung und Recycling AG e la deponia regiunala Plaun Grond prendan medemamein encunter pupi vegl.

MM Aufbereitung und Recycling AG a Glion

La MM Aufbereitung und Recycling AG dismetta:

  • apparats dil tenercasa
  • colurs e dissolvents
  • autos da demoliziun
  • pneus
  • rufid bloccont
  • pupi vegl e cartun
  • rumien dad iert
  • PET
  • veider vegl
  • lenna duvrada
  • da tuttas sorts battaria
  • electronica da divertiment
  • rumien da demoliziun
  • fier veder

Ei dat era la pusseivladad d'affittar containers ni da schar vegnir speraso enzatgi per beins da recicladi e rumien bloccont.

Temps d'avertura
(dano firaus generals)

avrel tochen october
gliendisdis tochen venderdis, 07.00 – 12.00 e 13.00 – 17.00 uras
sonda, 9.00 – 12.00 uras

november tochen mars
gliendisdis tochen venderdis, 07.30 – 12.00 e 13.00 – 17.00 uras
sonda serrau

MM Aufbereitung und Reclycling AG
Via Fussau 3
7130 Glion
tel. 081 925 15 40
martinknsch 
www.montalta.ch 

Di da rimnada da rumien bloccont

Il mars ed il settember ha liug silla Plazza fiera in di da rimnada da rumien bloccont per las casadas privatas da Glion. Ils datumss vegnan publicai el Fegl ufficial Surselva. Ei astga vegnir furniu sulettamein rumien bloccont.
La deponia regiunala Plaun Grond e la MM Aufbereitung und Recycling AG prendan medemamein encunter rumien bloccont.

Apparats electrics e dil tenercasa/indrezs d'illuminaziun

Tut ils apparats dall'electronica da divertiment (televisiun, radio, computer, e.a.v.), apparats electrics dil tenercasa (tschetschapuorla, maschina da lavar, frestgera, schelentera, e.a.v.) sco era cazzolas san ins dar giu gratuitamein alla staziun da Glion mintga di dallas 07.00 tochen las 19.00 uras.
Ulteriuras informaziuns anfleis Vus era sin www.rhb.ch ni www.recycling-center.com.

Rumien special/bischels da neon/battarias

Medicaments e rumiens specials ein, sche pusseivel, da returnar el pachetadi original al liug da vendita. Las differentas cazzolas a scargada (bischels da neon, glischs da spargn) ein, sche pusseivel, da returnar el pachetadi original ed entiras al liug da vendita. Battarias san ins dar giu al liug da vendita. Battarias d'auto san ins dismetter per ina recumpensa a Plaun Grond.

Post per rimnar cadavers

Il post per rimnar cadavers sesanfla sper l'ovra da gera a Schluein.

Rumien da demoliziun e rumien bloccont da construcziun

Rumien da demoliziun e rumien bloccont da construcziun ston ins dar giu alla deponia regiunala Plaun Grond, alla MM Aufbereitung und Recycling AG ni alla Gera e betun Schluein SA.

Material da scavament

Informaziuns dat l'administraziun communala.