Fiera da Glion
Las fieras el center da Glion.
Datums 2019
- 17 da fenadur 2019
- 18 da settember 2019
- 16 d'october 2019
- 06 da november 2019
- 27 da december 2019 (fiera da vinars)
Fiera jamnila
Naven dils 11 da matg 2019 entochen ils 19 d'october 2019 ha la fiera jamnila liug la sonda dallas 08.00 – 12.00. Ils stans ein deponi alla finiziun vest dil plaz fiera a Glion.
Ils purs dallas vischnauncas vischinontas vendan legums, legums da bio, jarvas, caschiel, fretgs, ovs, mèl, sirup, ligiongias, paun, fluras, carn ed aunc bia auter.
Ulteriuras informaziuns: www.ilanzer-wochenmarkt.ch
Fiera d'advent
La fiera d'advent vegn organisada dall'uniun da commerci e mistregn da Glion e contuorn. Duront il di da fiera semida Glion en in mund tarlischont e glischont. Ina perfetga occasiun per far viva cun in migiel punsch ni vin cauld cun ils amitgs ed enconuschents. Forsa anfleis Vus era gia ils schenghetgs da Nadal sin in u l'auter dils numerus stans da vendita. Per pign e grond vegn purschiu enzatgei.
Datum: Sonda, ils 30 da november 2019 naven dallas 11.00 - 19.00 el center ed el marcau vegl da Glion.
Fiera da vinars
La fiera da vinars ei la davosa fiera digl onn. lls ins manegian ch'ils politichers hagien partiu pli baul quei di vinars culla populaziun, per ch'els vegnien aschia elegi danovamein. Auters ein dil meini, ch'ins hagi empleniu las reservas da vinars per igl unviern.
Quei ei denton buca relevant, oz ei il te da catschadurs, punsch e caffè cun vinars trumf. Plinavon ei la fiera da vinars in eveniment per sentupar cun amitgs, parents ed enconuschents e per far in viva cun els sigl onn vegnent.
Datum: Venderdis, ils 27 da december 2019 naven dallas 10.00 el center da Glion.
Annunzia
Vuleis Vus era separticipar cun in agen stan da Vos products alla fiera?