Novitads

Vischnaunca Ilanz/Glion: Secunda exposiziun publica da cooperaziun planisaziun locala cun exposiziun determinaziuns digl uaul

Tenor art. 13 dall'ordinaziun davart la planisaziun dil territori per il cantun Grischun (OPTGR) ha liug la secunda exposiziun publica da cooperaziun partenent la revisiun totala dalla planisaziun locala dalla vischnaunca Ilanz/Glion. El medem mument ha tenor art. 11 al. 2 dalla lescha cantunala davart igl uaul ed art. 13 al. 1 dalla lescha federala davart igl uaul liug in'exposiziun publica dils organs forestals responsabels davart ils cunfins d'uaul ch'ein vegni fixai e mesirai agl ur dalla zona da baghegiar e d'uaul.

Object:
Reuniun e revisiun dalla planisaziun locala

Actas d'exposiziun:
Fracziun Castrisch
Fracziun Duvin
Fracziun Glion
Fracziun Ladir
Fracziun Luven
Fracziun Pigniu
Fracziun Pitasch
Fracziun Riein
Fracziun Rueun
Fracziun Ruschein
Fracziun Schnaus
Fracziun Sevgein
Fracziun Siat

- Lescha da baghegiar
- Rapport da planisaziun e da cooperaziun
- Adattaziuns sin fundament dall'emprema exposiziun publica da cooperaziun (rapport)
- Evaluaziun dil rapport da preexaminaziun (tabella d'evaluaziun)
- Rapport da basa
- Rapport dalla conferenza dalla populaziun digl 1. da fevrer 2014
- Rapport accumpignont determinaziun dil spazi d'auas vischnaunca Ilanz/Glion
- Rapport davart il tener liber dil maletg dil vitg

Actas determinaziuns digl uaul:
Ils cunfins d'uaul tenor mesiraziun ein marcadas el plan da zonas 1:2000. Protestas san mo vegnir fatgas enviers cunfins d'uaul che vegnan impurtai da niev.

Temps d'exposiziun:
30 gis (dils 14 da settember 2018 entochen ils 15 d'october 2018)

Liug/uras da spurtegl:
casa cumin a Glion, duront las uras da spurtegl

Audienza:
tenor cunvegnientscha (telefon 081 920 15 61)

Duront il temps d'exposiziun sa mintgin inoltrar propostas ed objecziuns alla suprastonza communala Ilanz/Glion (adressa postala: Suprastonza communala Ilanz/Glion, Revisiun planisaziun locala, Caum postal 90, 7130 Glion). Propostas ed objecziuns ein d'inoltrar en scret e motivau.

Protestas determinaziuns digl uaul:
Encunter ils cunfins d'uaul che vegnan impurtai da niev sa vegnir fatg protesta enteifer 30 gis dapi la publicaziun. Protestas ein d'inoltrar al departament da construcziun, traffic e selvicultura, Stadtgartenweg 11, 7000 Cuera. Senza protesta entran las determinaziuns digl uaul en vigur legala.

Damondas determinaziuns digl uaul:
Uffeci d'uaul e prighels da natira dil cantun Grischun Regiun 3, Surselva, telefon 081 257 62 70

Ilanz/Glion, ils 14 da settember 2018                       Suprastonza communala Ilanz/Glion