Novitads

Cumpletaziun dalla zona da planisaziun

Vischnaunca Ilanz/Glion
Cumpletaziun dalla zona da planisaziun dils 22 da fevrer 2018


Alla sesida dils 12 da fevrer 2018 ha la suprastonza communala relaschau ina zona da planisaziun per igl entir territori da vischnaunca tenor art. 21 dalla lescha davart la planisaziun dil territori per il cantun Grischun (LPTGR). La finamira ei d'examinar ina reducziun dalla zona da baghegiar ordeifer il territori surbaghegiau tenor las prescripziuns egl art. 15 al. 2 LPT sco era el plan directiv cantunal pertuccont las parcellas indicadas concretamein els divers plans.

Alla sesida dils 13 d'uost 2018 ha la suprastonza communala concludiu ina extensiun dalla precedenta menziunada zona da planisaziun tenor art. 21 dalla lescha davart la planisaziun dil territori per il cantun Grischun (LPTGR). L'extensiun cumpeglia la parcella 14197, cudisch funsil Glion, ch'era per sbagl buca vegnida tschaffada. Il plan "Surfatschas da reducziun potenzialas 1:2'000, Siat / Pigniu" duei corrispundentamein vegnir cumpletaus.

Dils plans sa vegnir priu envesta duront las uras da spurtegl en casa cumin a Glion (tiarza alzada).

- Surfatschas da reducziun potenzialas 1:2'000, Siat / Pigniu

Quella cumpletaziun dalla zona da planisaziun existenta sa vegnir contestada enteifer 30 gis dapi la communicaziun publica cun protesta da planisaziun tier la Regenza dil cantun Grischun (art. 101 LPTGR).

Glion, ils 17 d'uost 2018                                   Suprastonza communala Ilanz/Glion