Novitads

Discussiunar e gidar a formar: Sboz maletg empalont dil territori communal MTC dalla vischnaunca dad Ilanz/Glion

La cumpilaziun dil maletg empalont dil territori communal ei in'obligaziun, ch'ei surdada allas vischnauncas el Grischun tras il plan directiv dil cantun. Igl ei denton era in invit ed ina schanza da sefatschentar cun igl agen ambient da viver e da crear custeivels potenzials per il futur. Quella devisa duei formar il maletg empalont dil territori communal dalla vischnaunca Ilanz/Glion, perquei duein treis finamiras star el center e caracterisar il maletg empalont: 

- Il maletg empalont dil territori communal duei mussar si las vastas fassettas dallas 13 fracziuns sco era ils elements d'identitad da nos vitgs e cunquei rinforzar nies plascher vid quella cultura da baghegiar (analisa dils maletgs da vitg). 

- Cun il maletg empalont duei vegnir dau impuls e sesarver perspectivas, co novas ideas ed actuals basegns san vegnir realisai sut igl aspect dad in svilup qualitativ anenviars ed ina renovaziun digl existent (tesas en fuorma da projects directivs). 

- Il maletg empalont furnescha instrucziuns d'agir per saver realisar concretamein in tal svilup digl habitadi. Las instrucziuns ein adressadas allas vischnauncas, denton era ad interessai patruns da construcziun e proprietaris da terren.


Exposiziun dil maletg empalont:
Dils 21 da settember entochen ils 30 d'october 2020 ha liug in'exposiziun dil sboz el Center Mundaun (anteriura Migros) en la Glennerstrasse 30 a Glion.

Temps d'avertura:
- margis, ils 29 da settember 2020, 14.00 – 16.00
- gievgia, igl 1. d'october 2020, 15.00 – 17.00
- vendergis, ils 2 d'october 2020, 10.00 – 12.00
- gliendisgis, ils 5 d'october 2020, 10.00 – 12.00
- mesjamna, ils 7 d'october 2020, 13.00 - 15.00
- vendergis, ils 9 d'october 2020, 15.00 – 17.00
- gliendisgis, ils 12 d'october 2020, 16.00 – 18.00
- mesjamna, ils 14 d'october 2020, 14.00 – 16.00
- margis, ils 20 d'october 2020, 9.00 – 11.00
- gievgia, ils 22 d'october, 15.00 – 17.00
- vendergis, ils 23 d'october 2020, 14.00 – 16.00
- margis, ils 27 d'october 2020, 9.00 – 11.00
- mesjamna, ils 28 d'october 2020, 14.00 – 16.00
- vendergis, ils 30 d'october 2020, 15.00 – 17.00

Occurrenzas d'atelier:
Ei dat quater luvratoris publics, en quals il maletg empalont dil territori communal duei vegnir discutaus ord perspectivas specificas e nua ch'ei duei vegnir priu si ideas ord la populaziun. Envidai ein tuts quels che s'interesseschan per il maletg empalont dil territori communal e quellas perspectivas.

Il maletg empalont dil territori communal vegn discussiunaus ord vesta: 
- dils architects, planisaders, commerci d'immobilias, mardis, ils 29-09-2020, 19.00–21.00 
- dalla giuventetgna, gievgia, ils 01-10-2020, 19.00–21.00 
- dallas dunnas, sonda, ils 03-10-2020, 09.00–11.00 
- da turissem, commerci, economia da construcziun ed agricultura, gliendisdis, ils 05-10-2020, 19.00–21.00

Cuntegn ateliers:

1. Architects, planisaders, administraturs d'immobilias
Lectura dil liug cun igl exempel Ruschein/Ladir
Il vitg vit - braha ni potenzial
Co sa il maletg empalont dil territori communal vegnir duvraus sco impuls e cudez?

2. Giuventetgna
Lectura dil liug
Nova veta en casas communalas vitas
Spazi public ord vesta dalla giuventetgna

3. Dunnas
Lectura dil liug
Fuormas da viver - oz e damaun
Umens planiseschan per dunnas - tgei fagessan las dunnas auter?

4. Turissem, commerci, economia da construcziun e d'agricultura
Lecutra dil liug
Via Glion - ina schanza per tuts
Visiun tetg sur la Via Alp Su - Glion vegn sper il Rein

Las mesiras da protecziun en connex cun corona vegnan risguardadas ellas localitads d'occurrenza. Nus supplichein Vus da s'annunziar per ils ateliers per mail (infoilanz-glionch) ni per telefon (081 920 15 66) entochen mintgamai in gi avon il termin dall'occurrenza. Ella stanza d'exposiziun vegn deponiu ina gliesta da preschientscha.

Sche Vus anfleis negin temps per visitar l'exposiziun duront ils temps d'avertura publics ni sche Vus giavischeis in termin specialmein per Vossa gruppa/biro etc., supplichein nus Vus da s'annunziar per telefon (081 920 15 66). Nus stein bugen a Vossa disposiziun.

Las occurrenzas d'atelier ein da principi aviartas per in e scadin.

Participaziun publica al maletg empalont dil territori communal:
Naven dils 21 da settember entochen ils 30 d'october ha liug la procedura publica da cooperaziun. Duront quei temps sa ei vegnir fatg a scret propostas ed inoltraziuns pertuccont il maletg empalont dil territori communal tier la suprastonza communala. 

Il rapport dil maletg empalont dil territori communal anfleis Vus cheu, la "visualisaziun da 3D" anfleis Vus cheu. Per damondas stein nus a disposiziun per telefon (081 920 15 66) ni per mail (infoilanz-glionch). Nus selegrein, da saver crear cun Vus il maletg empalont per Ilanz/Glion. 


Suprastonza communala Ilanz/Glion