Novitads

Zona da planisaziun

Vischnaunca Ilanz/Glion: Relasch d'ina zona da planisaziun

Alla sesida dils 12 da fevrer 2018 ha la suprastonza communala relaschau ina zona da planisaziun per igl entir territori da vischnaunca Tenor art. 21 dalla lescha davart la planisaziun dil territori per il cantun Grischun (LPTGR). La finamira ei d'examinar ina reducziun dalla zona da baghegiar ordeifer il territori surbaghegiau tenor las prescripziuns egl art. 15 al. 2 LPT sco era el plan directiv cantunal pertuccont las surfatschas da reducziun potenzialas indicadas els suandonts plans:

- Surfatschas da reducziun potenzialas 1:2'000, Castrisch
- Surfatschas da reducziun potenzialas 1:2'000, Glion
- Surfatschas da reducziun potenzialas 1:2'000, Luven
- Surfatschas da reducziun potenzialas 1:2'000, Pitasch
- Surfatschas da reducziun potenzialas 1:2'000, Riein / Duvin
- Surfatschas da reducziun potenzialas 1:2'000, Rueun
- Surfatschas da reducziun potenzialas 1:2'000, Ruschein / Ladir
- Surfatschas da reducziun potenzialas 1:2'000, Schnaus / Schischiu
- Surfatschas da reducziun potenzialas 1:2'000, Sevgein
- Surfatschas da reducziun potenzialas 1:2'000, Siat / Pigniu

Dils plans sa vegnir priu envesta duront las uras da spurtegl en Casa Cumin a Glion (secunda alzada).

La zona da planisaziun vala ad interim entochen ils 12 da fevrer 2020 (2 onns).

Ella zona da planisaziun astga vegnir fatg nuot ch'engrevgiescha ni cunterfa alla planisaziun nova. Oravontut san mo vegnir lubi Projects da baghegiar che cunterfan buca allas prescripziuns vertentas sco era allas prescripziuns dalla planisaziun nova (art. 21 al. 2 LPTGR).

Il relasch dalla zona da planisaziun presenta sa vegnir contestaus enteifer 30 gis dapi la communicaziun publica cun protesta da planisaziun tier la Regenza (art. 101 LPTGR).

Glion, ils 22 da fevrer 2018                                      Suprastonza communala Ilanz/Glion