Bogn aviert Ilanz/Glion

... IN GAUDI PER PIGN E GROND!

En in bellezia contuorn agl ur digl uaul tier la plazza da sport sesanfla il sulet bogn aviert ella Surselva, il qual ei vegnius aviarts igl onn 1969.

1996/1997 ei igl entir stabiliment vegnius sanaus ed equipaus cun la pli moderna tecnica. L'aua vegn vivificada entras la tecnologia originala da Grander. Dasperas dispona il bogn aviert d'ina infrastructura generusa, als hosps stat ina vasta purschida da sport e recreaziun a disposiziun. Naven dall'ustria haveis Vus ina biala vesta sin gl'entir areal dil bogn. Ideal per dar ina paterlada cun amitgs e schar gustar in bien migiel vin ni Vossa bubronda preferida ed era per guder ina spisa delicata.

Nus giavischein bien divertiment el bogn aviert.

Uras d'avertura 2022

Sesiun bassa:

14 da matg – 17 da zercladur 2022, mintga gi dallas 9.30 entochen las 18.30
Gievgia mintgamai dallas 8.00 entochen las 18.30

Sesiun aulta:
18 da zercladur – 21 d'uost 2022, mintga gi dallas 9.30 entochen las 20.00
Margis e gievgia mintgamai dallas 8.00 entochen las 20.00

Sesiun bassa:
22 d'uost – 11 da settember 2022, mintga gi dallas 9.30 entochen las 18.30

Contact

Bogn aviert Ilanz/Glion
telefon 081 925 25 14


Impressiuns