Dumengia, ils 14 da fenadur 2024 entochen sonda, ils 27 da fenadur 2024, Casa da Sentupada, Glion
Il Cuors romontsch sursilvan dalla FRR munta: sfundrar duas jamnas el lungatg romontsch e sia cultura. En 9 differents livels ed in cuors per affons (6-10 onns) san persunas interessadas emprender da discuorer e da scriver romontsch sursilvan. Sper las lecziuns da lungatg stattan la sera prelecziuns, concerts e referats sil program. Per quei intent envida il Cuors romontsch interessantas persunalitads che han in connex cul lungatg ni culla regiun. Il gi d'excursiun ed il cant communabel cumpleteschan il program variont e singular.
Nus selegrassen dad astgar intermediar a Vus (danovamein) duas jamnas lungatg e cultura egl ambient cordial dalla Casa Sentupada.
Ulteriuras informaziuns anfleis Vus cheu.
