La vischnaunca Ilanz/Glion promova cul project participativ «La vegliadetgna fuorma il futur» digl Uffeci da sanadad Grischun ina veta autonoma e sanadeivla era ella vegliadetgna. Ensemen cun organisaziuns ed uniuns che s’engaschan el sectur dalla vegliadetgna vegnan rimnadas las purschidas existentas. Senioras e seniors han silsuenter la pusseivladad d'eruir munconzas e da serrar largias. Quei duei era succeder sin atgna iniziativa dallas senioras e dils seniors.