Carta d'identitad

  • La carta d'identitad saveis Vus schar far tier la vischnaunca da domicil.
  • Il cuoz da lavuraziun munta a 15 gis da lavur.
  • Fagei aschi bien e dumandei ad uras per ina carta d'identitad.
  • Per ina carta d'identitad stueis Vus vegnir persunalmein sperasvi al spurtegl dalla controlla da habitonts.
  • La veglia carta d'identitad ei da prender cun Vus al spurtegl.
  • En cass d'ina sperdita ni d'in enguladetsch dalla carta stueis Vus haver cun Vus in rapport dalla polizia cantunala.
  • Per la carta nova ei ina fotografia actuala da buna qualitad necessaria.
  • Affons naven dil 7avel onn da veta ston suttascriver il formular.
  • Affons entochen la maiorennitad basegnan la suttascripziun d'in genitur, il qual sto accumpignar igl affon al spurtegl.

La carta d'identitad cuosta CHF 65.00 per carschi e CHF 30.00 per affons e giuvenils sut 18 onns (exclusiv spesas da porto). Las taxas ein da pagar bar directamein al spurtegl.

Per ils carschi vala la carta mintgamai diesch onns, per affons e giuvenils sut 18 onns mintgamai tschun onns.


Passaport

Per retrer il passaport haveis Vus suandontas pusseivladads:

  • Vus saveis tschentar ina damonda online sin www.schweizerpass.ch. Leu vegnan Vossas indicaziuns tschaffadas enteifer paucas minutas. Silsuenter saveis Vus eleger in termin a Cuera ni a Zernez per ils proxims pass.
  • Enstagl d'ina damonda online sa la damonda era vegnir tschentada via telefon. Igl ei era pusseivel da retrer la carta d'identitad ed il pass ensemen. Dapli informaziuns davart la purschida cumbinada retscheveis Vus tier il Center da documents d'identitad.

Dapli informaziuns anfleis Vus sin www.schweizerpass.ch ni tier il Center da documents d'identitad da Cuera.

Center da documents d'identitad da Cuera
Gäuggelistrasse 7
7001 Cuera

telefon 081 257 52 20
ausweisechur@afm.gr.ch


Contact

Administraziun communala Ilanz/Glion
Controlla da habitonts
Plazza Cumin 9
Caum postal 90
7130 Glion

telefon 081 920 15 36
einwohnerkontrolle@ilanz-glion.ch

Survetsch al telefon

Gliendisgis – Vendergis
08.00 – 11.30
13.30 – 16.30

Uras da spurtegl

Gliendisgis
08.30 – 11.00
14.00 – 18.00

Margis e mesjamna
08.30 – 11.00
14.00 – 16.30

Gievgia
08.30 – 11.00

Vendergis
08.30 – 11.00
14.00 – 16.00

Casa Cumin, 2. alzada