Resgia Riein

• La surdada dalla clav succeda entras: Elsi Cabalzar Maissen, mobil 079 763 89 91
• Affittaziun dalla Resgia a Riein mo entras carschi.
• Ella Resgia anfleis Vus per mintga hosp in batlini ed in plumatsch cun tergida. Sacs da durmir ein da prender cun ins sez, in'ulteriura cozza da launa stat a disposiziun. Schigientamauns da cuschina ha ei en la Resgia, mieds da schubergiar, savun, pupi da tualetta e schubergiader da tualetta ein avon maun. Sacs da rumien (verds) cun taxa da dismessa dalla Regiun Surselva san ins retrer cun pagar ina taxa per sac da rumien (60 l sac da rumien CHF 2.60 per toc ni 110 l sac da rumien CHF 4.80 per toc).
• Pusseivladads da far cumissiuns, bancas, bus e tren, in bogn aviert ed auter sesanflan a Glion. Magnucs entirs d'alp (4-6 kg) saveis Vus cumprar directamein dil pur a Riein (Thomas Zinsli dat bugen sclariment a Vus en caussa, mobil 079 669 56 27).
• La plazza vest avon la Resgia sa vegnir duvrada per scargar e per 3-5 autos. Per ulteriurs vehichels saveis Vus far diever dil parcadi alla fin dil vitg.
• El plaunterren astgeis Vus passar cun calzers, las stanzas da durmir e la scala per plascher passar mo cun scalfins.
• Ella Resgia anfleis Vus il cudisch «WIE-WO-WAS» cun informaziuns detagliadas davart la cultura d'utilisaziun dalla casa. Avon che Vus metteis en funcziun las pegnas contactei per plascher il pedel.
• Igl ei scumandau da fimar ei scumandau egl entir baghetg. Dus gronds tschendrers ein plazzai ordadora vid il mir. Per plascher deponer las cigarettas el tschendrer.
• Sigl entir territori dalla Resgia val'in scamond absolut da fiugs artificials da tut gener.
• La Resgia sto vegnir surdada schubra (besenrein), inclusiv cuschina ed ils stabiliments sanitars.