Fiasta digl 1. d'uost

La vischnaunca organisescha mintg'onn la fiasta naziunala ufficiala ad Ilanz/Glion. Ei dat in program per ils affons, divertiment musical ed in'ustria organisada da differentas uniuns. La fiasta cumpeglia il cant dil himni naziunal, il salid dalla presidenta communala ed il tuchiez dils zenns. La Musica da Glion procura per il rom musical ed accumpogna il himni naziunal.

La proxima fiasta naziunala ha liug gliendisdis, igl 1. d'uost 2022.

La suprastonza communala e la direcziun selegran sin numerusas visitadras e numerus visitaders. La vischnaunca dad Ilanz/Glion giavischa alla populaziun in bi 1. d'uost.