Local da giuventetgna Glion

Temps d'avertura

Il local da giuventetgna Glion sesanfla ella Via Santeri 78 a Glion.

Duront il temps da scola resta il local da giuventetgna aviarts duront il temps d’avertura usitau. Tut tenor situaziun epidemiologica sa ei dar midadas a cuorta vesta.

Nus fagein attents che la survigilonza dils giuvenils suttastat naven dallas 22.00 als responsabels per l'educaziun.

Cumissiun da giuventetgna Glion/Lumnezia


Niev local da giuventetgna egl anteriur implont d'oxigen

Dapi igl atun 2019 han ils giuvenils in niev dacasa. Ils davos onns havevan ins affittau il local da giuventetgna egl edifeci dalla Swisscom ella Via S. Clau Sut. Las stanzas eran memia pintgas per ils numerus giuvenils ed ei muncava spazi exteriur segir ed attractiv. Egl anteriur implont d'oxigen ella Via Santeri 78 a Glion ha il local da giuventetgna anflau ina buna alternativa. Era sch'il liug ei buca pli aschi centrals, porscha el bia dapli plaz, libertads e spazi formativ.


La collaboraziun cun Lumnezia cuntinuescha

Il 2019 ei la fasa da pilot da dus onns lavur da giuventetgna che la vischnaunca dad Ilanz/Glion e la vischnaunca Lumnezia han purtau ensemen ida a fin cun in'evaluaziun dallas experientschas. Sin fundament dad in'emprema survesta dalla sitauziun san ins far in facit positiv aschia che las duas vischnauncas han renovau la cunvegna da prestaziun communabla per che las scolaras ed ils scolars dil scalem superiur dallas duas vischnauncas hagien era el futur in agen liug per passentar il temps liber.