Carta dil gi da spargn vischnaunca

La carta dil gi da spargn vischnaunca ei ina purschida contingentada ch'ins sa retrer tier la vischnaunca dad Ilanz/Glion. Ella vala per tut ils tschancuns dil sectur d'applicaziun digl abonnament general (GA) il gi tscharniu entochen las 05.00 dil gi suandont. La carta dil gi da spargn sa vegnir retratga tut tenor la disponibladad per la 1. ni per la 2. classa sco era cun ni senza mesa taxa.

La carta dil gi da spargn dalla vischnaunca ei disponibla mo en la prevendita: naven da 6 meins ordavon e tochen sil pli tard 1 gi avon il viadi. La vendita vegn fatga senza excepziun al spurtegl dalla controlla da habitonts. La carta dil gi da spargn dalla vischnaunca ei mo disponibla a moda persunalisada (negina transferibladad a tiarzas persunas) e sa mo vegnir restituida en cass excepziunals. Ella sa buca vegnir duvrada per affons e per tgauns. Cun la purschida existenta dallas viafiers san lezs viagiar pli bienmarcau.

Las cartas dil gi da spargn vischnaunca dat ei en dus differents scalems da prezi. Ils prezis ils pli favoreivels survegnis Vus entochen maximalmein 10 gis avon il gi da viadi.

	Scalem da prezis 1 (da survegnir maximalmein entochen 10 gis avon il gi da viadi)	Scalem da prezis 2 (da survegnir maximalmein entochen 1 gi avon il gi da viadi)
2. classa cun mesa taxa	CHF 39.00	CHF 59.00
2. classa senza mesa taxa	CHF 52.00	CHF 88.00
1. classa cun mesa taxa	CHF 66.00	CHF 99.00
1. classa senza mesa taxa	CHF 88.00	CHF 148.00

La vendita entscheiva ils 11 da december 2023 ed igl emprem gi da viadi pusseivel ei igl 1. da schaner 2024.

L'annunzia da disponibladad sco era tut las informaziuns e disposiziuns relevantas davart la carta dil gi da spargn vischnaunca anfleis Vus sin www.spartageskarte-gemeinde.ch.

Contact

Administraziun communala Ilanz/Glion
Controlla da habitonts
Plazza Cumin 9
Caum postal 90
7130 Glion

telefon 081 920 15 36

Uras da spurtegl

Gliendisgis
08.30 – 11.00
14.00 – 18.00

Margis e mesjamna
08.30 – 11.00
14.00 – 16.30

Gievgia
08.30 – 11.00

Vendergis
08.30 – 11.00
14.00 – 16.00