Svilup communal

Cun ils projects che survargan las incumbensas ordinarias dall'administraziun communala duei il svilup dalla vischnaunca giuvna vegnir sustenius. En quei connex va ei per il crescher ensemen dallas tredisch anteriuras vischnauncas, la formaziun d'ina identitad communabla, il rinforzament da Glion sco center regiunal ni la valurisaziun turistica. Igl element essenzial ei il maletg empalont dil territori communal, il qual porscha ina survesta generala sur il spazi niev naschiu, che sestenda sur il Crap Masegn ell'Arena alva tochen las alps da Duvin, dalla Ruinaulta (670 m. s. m.) tochen tier igl Hausstock (3'158 m. s. m.) sil cunfin cun la Glaruna e cuntegn en siu cor in marcauet.