Naturalisaziun ordinaria

Premissas da domicil

Permissiun da domicil (lubientscha C).
Totalmein 10 onns en Svizra, 3 da quels duront ils davos 5 onns. Il temps denter igl 8avel ed il 18avel onn da veta vegn quintaus dubel (scalem confederaziun).
Silmeins 5 onns dimora en la vischnaunca Ilanz/Glion, ils davos 2 gest avon che inoltrar la damonda.

Premissas da naturalisaziun materialas

Materialmein premetta ina naturalisaziun che la persuna presenta:

ei s'integrada cun success ella communitad cantunala e communala;
enconuscha las modas da viver cantunalas e communalas (denter auter enconuschientschas da basa dallas relaziuns geograficas, historicas, politicas e socialas; contacts cun la populaziun svizra);
ha restituiu ils daners d'agid social retratg duront ils davos 10 onns.

Cun integraziun da success ei denter auter manegiau:

respect dalla segirtad ed uorden public (denter auter ina conduita penala senza maclas);
respect dallas valurs dalla constituziun federala;
mussament dad in lungatg cantunal sin nivel da referenza B1 a bucca e A2 a scret;
participaziun alla veta economica ni agl acquist da formaziun;
relaziuns finanzialas regladas (denter auter neginas stumaziuns aviartas).

Cumissiun da naturalisaziun

Administraziun communala Ilanz/Glion
Cumissiun da naturalisaziun
Plazza Cumin 9
Caum postal 90
7130 Glion

Gliendisgis – Gievgia
08.00 – 12.00
13.30 – 17.00

Vendergis
08.00 – 12.00
13.30 – 16.30

Gliendisgis
08.30 – 11.30
13.30 – 18.00

Margis – Gievgia
08.30 – 11.30
13.30 – 17.00

Vendergis
08.30 – 11.30
13.30 – 16.30