Premissas da naturalisaziun
Premissas da domicil
- Permissiun da domicil (lubientscha C).
- Totalmein 10 onns en Svizra, 3 da quels duront ils davos 5 onns. Il temps denter igl 8avel ed il 18avel onn da veta vegn quintaus dubel (scalem confederaziun).
- Silmeins 5 onns dimora en la vischnaunca Ilanz/Glion, ils davos 2 gest avon che inoltrar la damonda.
Premissas da naturalisaziun materialas
Materialmein premetta ina naturalisaziun che la persuna presenta:
- ei s'integrada cun success ella communitad cantunala e communala;
- enconuscha las modas da viver cantunalas e communalas (denter auter enconuschientschas da basa dallas relaziuns geograficas, historicas, politicas e socialas; contacts cun la populaziun svizra);
- ha restituiu ils daners d'agid social retratg duront ils davos 10 onns.
Cun integraziun da success ei denter auter manegiau:
- respect dalla segirtad ed uorden public (denter auter ina conduita penala senza maclas);
- respect dallas valurs dalla constituziun federala;
- mussament dad in lungatg cantunal sin nivel da referenza B1 a bucca e A2 a scret;
- participaziun alla veta economica ni agl acquist da formaziun;
- relaziuns finanzialas regladas (denter auter neginas stumaziuns aviartas).
Cumissiun da naturalisaziun
Sin incumbensa dalla suprastonza communala examinescha la cumissiun da naturalisaziun formalmein las damondas da naturalisaziun, meina in discuors cun ils petents e decida davart la damonda. Ella consista da treis commembers, ils quals ston esser burgheis ella vischnaunca Ilanz/Glion.
- Martin Capeder, Duvin, president dalla cumissiun
- Vreni Caduff, Glion
- Jeannette Dalbert-Caviezel, Luven
