Lungatg

Il num dalla vischnaunca dad Ilanz/Glion ei ina reproducziun dalla situaziun linguistica. Entras la fusiun dallas dudisch vischnauncas da lungatg romontsch cun Glion, nua ch'ei vegn principalmein discurriu tudestg, ei naschida ina vischnaunca bilinga. Getg pli precis, ina vischnaunca cun dus territoris linguistics.

Sin scalem primar vegn instruiu en treis differents models da lungatg: romontsch, biling e tudestg. Igl in cun ed in sper l'auter da romontsch e tudestg vegn tgiraus cun plascher e promova l'identitad e la cultura romontscha che vegn secapescha vivida el mintgagi.

Cuors da tudestg e romontsch: susteniment dalla vischnaunca

La vischnaunca Ilanz/Glion sustegn habitontas e habitonts, ils quals prendan part ad in cuors professiunal da romontsch ni tudestg, cun ina contribuziun unica da CHF 100.00. La contribuziun sa vegnir retratga cun mussament en fuorma d'ina confirmaziun dil cuors tier la controlla da habitonts en casa cumin a Glion (2. alzada).