Cun il premi REUNIUN vul la suprastonza communala undrar engaschis extraordinaris da voluntarias e voluntaris ni d'uniuns en favur dalla vischnaunca dad Ilanz/Glion ed aschia promover la schientscha per la lavur voluntara. La vischnaunca dad Ilanz/Glion appellescha alla populaziun d'inoltrar propostas per activitads extraordinarias en fuorma da projects, survetschs, engaschis en favur dalla societad ni per prestaziuns structuralas, organisatorias els secturs cultura, sport, fatgs socials, giuventetgna, formaziun, sanadad, natira, ambient ni temps liber. Igl ei pusseivel da proponer uniuns ni gruppaziuns d'utilitad publica cun sedia ella vischnaunca dad Ilanz/Glion. Il premi REUNIUN ei dotaus cun CHF 2'000.00. Il premi vegn surdaus mintga dus onns per regla a caschun dalla fiasta dil marcau da Glion.
