La cumissiun da cultura ei responsabla per il svilup dalla politica culturala dad Ilanz/Glion e per la promoziun, il manteniment e l'intermediaziun d'ina varietad culturala. La finamira dalla cumissiun ei da promover la veta culturala ella vischnaunca, d'animar la populaziun per l'atgna activitad culturala sco era da mantener, sustener e cumpletar igl existent.

• Marianne Fischbacher, etnologa, anteriura conservatura da museum, presidenta dalla cumissiun
• Marco Coray, representant dil parlament communal
• Daniel Tata Schneider, architect
• Ester Vonplon, fotografa, commembra dalla suprastonza «Visarte Graubünden»
• Flavia Walder, pedagoga da musica, dirigenta dil chor d'affons e giuvenils

• Caroline Gasser Curschellas, representanta suprastonza communala (senza dretg da votar)
• Angela Gulli, post da coordinaziun dalla cultura (senza dretg da votar)